சில்லி பூரி

தேவையானவை:

பூரி - 10, வெங்காயம் - 3,
குடமிளகாய், கேரட், தக்காளி - தலா 1,
பச்சை மிளகாய் - 2,
கரம் மசாலாத்தூள், மிளகாய்த்தூள் - தலா அரை டீஸ்பூன்,
இஞ்சி- பூண்டு விழுது,
சோயா சாஸ் - தக்காளி சாஸ் - தலா ஒரு டீஸ்பூன்,
பால் - ஒரு கரண்டி,
கொத்தமல்லி, எண்ணெய், உப்பு - தேவையான அளவு.

செய்முறை:

வெங்காயம், குடமிளகாய், கேரட், தக்காளியை நீளவாக்கில் நறுக்கவும். பூரியை சிறு துண்டுகளாக கிள்ளி வைக்கவும். கடாயில் எண்ணெய் விட்டு, காய்ந்ததும் வெங்காயம், கரம் மசாலாத்தூள் சேர்த்து வதக்கி... இஞ்சி-பூண்டு விழுது, கீறிய பச்சை மிளகாய், கேரட், தக்காளி, குடமிளகாய், மிளகாய்த்தூள், உப்பு சேர்த்து வதக்கவும். இதில் பால் விட்டு, கொதித்து சுண்டியதும் சோயா சாஸ், தக்காளி சாஸ் சேர்த்து நன்றாகக் கிளறி... பூரி துண்டுகள், கொத்தமல்லி சேர்த்துக் கிளறி இறக்கவும்.