ட்ரை ஃப்ரூட்ஸ் குல்ஃபி

தேவையான பொருள்கள்:

பால் - 2 லிட்டர்,
சர்க்கரை - 2 கப்,
முந்திரி - 20, பாதாம் - 20,
மில்க் பிரெட் (ஸ்வீட்) -இரண்டு ஸ்லைஸ்கள்,
ஏலக்காய்த்தூள் -அரை டீஸ்பூன்,
சோள மாவு -ஒரு டேபிள் ஸ்பூன்,
பொடித்த ட்ரை ஃப்ரூட்ஸ் - கால் கப்.

செய்முறை:

பிரெட் துண்டுகளின் ஓரங்களை நீக்கி விடவும். பாலை அடுப்பில் வைத்துப் பாதியாகும் வரை நன்கு காய்ச்சியபின் சர்க்கரை சேர்க்கவும். சர்க்கரை கரைந்து மீண்டும் கொதிக்கும்போது சோளமாவை பாலில் கரைத்து விடவும். பிரெட் துண்டுகளைப் பொடித்து பால் சேர்த்து விழுதாக அரைத்துக் கொதிக்கும் பாலில் சேருங்கள். ஏலக்காய்த்தூள், பாதாம், முந்திரியை பவுடராக அரைத்துச் சேருங்கள்.

இவை எல்லாம் ஒன்றாகச் சேர்ந்து கொதிக்கும்போது இறக்கி விடவும். பிறகு நன்கு ஆறியதும் குல்ஃபி மோல்டுகள் அல்லது டிரேயில் ஊற்றி ஃப்ரீஸரில் வைத்துக் குளிர்ந்ததும் பொடித்த ட்ரை ஃப்ரூட்ஸை அலங்கரித்துப் பரிமாறுங்கள்.

குறிப்பு: ஃபிரிட்ஜ் இல்லாதவர்கள் ஐஸ் கட்டிகள் மத்தியில் வைத்து கெட்டியானதும் பரிமாறவும்.