BBQ சிக்கன் (அ) க்ரில் சிக்கன் செய்யும் முறை

BBQ சிக்கன் (அ) க்ரில் சிக்கன் செய்யும் முறை
தேவையான பொருட்கள்:
சிக்கன் - ஒரு கிலோ உப்பு - தேவைக்கு காஷ்மீர் மிளகாய் தூள் - ஒரு தேக்கரண்டி (அ) சாதா மிளகாய் தூள்+ரெட் கலர் ஷான் தந்தூரி மசாலா (அ) சக்தி மசாலா - இரண்டு தேக்கரண்டி தயிர் - அரை கப் எலுமிச்சை சாறு - இரண்டு பூண்டு - ஐந்து பல் பச்சை மிளகாய் - ஆறு ஆலிவ் ஆயில் - நான்கு மேசைக்கரண்டி
செய்முறை:
சிக்கனை பெரிய ஹோல் லெக் பீஸாக வாங்கி வந்து அதை கொழுப்பெடுத்து விட்டு வினிகர் ஊற்றி ஊற வைத்து கழுவி தண்ணீரை வடித்து வைக்கவும்.
பூண்டு, பச்சை மிளகாய் மிக்ஸியில் அரைத்து அத்துடன் தயிர், ஷான் மசாலா, மிளகாய் தூள், உப்பு, லெமென் ஜுஸ் கலந்து சிக்கனில் தடவவும்.
தடவி ஒரு மணி நேரம் ஊறியதும் ஆலிவ் ஆயிலை ஊற்றி மறுபடியும் மூன்று மணி நேரம் ஊற வைக்கவும்.
ஊறியதும் கேஸ் ஓவன் (அ) க்ரில் (அ) BBQ பண்ணவும்.
ப்ரீ ஹீட் செய்து விட்டு 20 நிமிடம் வைக்கவும்.
BBQ அடுப்பில் கரிமூட்டி மேலே உள்ள கம்பியில் வைத்து சுட்டு சாப்பிடவும்.
குறிப்பு:
குபூஸ், கார்லிக் சாஸ், வெங்காயம், கேரட், வெள்ளரிக்காய், தக்காளி சாலட், வட்ட வட்டமாக அரிந்து வைத்து பெப்பர் தூள், உப்பு தூள் தூவி லெமென் பிழிந்து சாப்பிடவும்